Бишкектин Ахунбаев көчөсүндө жеңил унаа жол жээгиндеги мамыны сүзүп, унаанын ичинде бара жаткан 32 жаштагы жүргүнчү каза болду.
Жол коопсуздугун камсыздоо башкармалыгы билдиргендей, кырсык 28-октябрга караган түнү болгон.
“Мерседес-Бенц” унаасынын айдоочусу рулду башкара албай калып, жол жээгиндеги мамыны сүзүп, андан соң жүк ташыган унаага урунган.
Кырсыктын кесепетинен унаада бараткан 32 жаштагы кош бойлуу аял окуя болгон жерде каза болгон. Андан башка 2 жүргүнчү жана унаанын айдоочусу №4 шаардык ооруканасына, дагы бир жүргүнчү улуттук госпиталга жеткирилген.
