Бишкекте өтүп жаткан күрөш боюнча дүйнөлүк рейтингдик мелдеште эки кыргызстандык балбан коло байге тагынды. Бул тууралуу Дене тарбия жана спорт департаментинен билдиришти.
Мелдеш 1-июнда башталып, таймаш грек-рим күрөшү боюнча балбандар арасында болду. 97 кг салмакта Бексултан Махмудов жана 63 кг салмакта Дастан Кадыров коло байге тагынды.
Эскерте кетсек, мелдеш 1-4-июнь күндөрү болуп өтөт. Ага дүйнөнүн булуң-бурчунан 500дөн ашык спортчу катышып, 30 комплект медаль ойнотулууда. Кыргызстандан атынан рейтингдик мелдешке 46 балбан катышууда.
Биздин Телеграм каналга катталыңыз
