Бишкектеги көчө, аянт, аллея, жаңы конуш, сейил бак жана парктардын атын өзгөртүүгө киргизилген мораторий мөөнөтү дагы он жылга узартылды. Бул тууралуу бүгүн шаардык кеңеш чечим кабыл алды.
Депутаттар токтомду талкуусуз кабыл алышты.
Эскерте кетсек, Бишкек шаардык кеңеши аталган мораторийди 2013-жылы кабыл алган.
Ордо кааланын төрт районунун аталышын өзгөртүү боюнча сунуш көптөн бери айтылып келет. Жогорку Кеңештин төрагасы Нурланбек Шакиев дагы демилгени колдогон. Инициаторлордун пикиринде, Бишкектин калктуу конуштары кыргыз элине эмгек сиңирген инсандардын атын алып жүрүшү керек.
Биздин Телеграм каналыбызга катталыңыз