Туризмди өнүктүрүүнү колдоо фонду менен блогерлер Sary Kyz (Лариса Булина) жана Argen Sigma (Арген Керимов) менен өз ара кызматташуу жөнүндө меморандумга кол коюшту.

Фонддун маалыматында, кызматташуунун алкагында өлкөнүн туристтик маршруттары жана локациялары тууралуу контент даярдоо, пресс-турларга, эл аралык көргөзмөлөргө, форумдарга жана PR-кампанияларга катышуу пландалууда.

Фонд блогерлерге маалыматтык жана уюштуруучулук колдоо көрсөтөт. Блогерлер өз аудиториясына өлкөнүн туристтик мүмкүнчүлүктөрүн тааныштырып, тармактык демилгелерге катышат.

Бул өнөктөштүк Кыргызстандын туристтик потенциалын медиа мейкиндикте жана социалдык тармактарда илгерилетүүгө багытталган.