Албаниянын Тирана шаарында спорттук күрөш боюнча “MUHAMET MALO 2026” эл аралык рейтингдик турнири өтүүдө. Бүгүн, 27-февралдагы мелдешке Кыргызстандан беш спортчу катышат.

Кыз-келиндер күрөшү боюнча Гүльнур Таштанбекова (65 кг) жана Мээрим Жуманазарова (68 кг) килемге чыгат. Ал эми грек-рим күрөшүнөн Илгиз Каныбеков (77 кг), Асан Жанышов (87 кг) жана Азат Салидинов (87 кг) күч сынашат.

Бул күнү кыз-келиндер 59, 62, 65 жана 68 кг салмак категорияларында, грек-рим күрөшүнүн балбандары 77 жана 87 кг салмакта байгелер үчүн ат салышат.

Мелдештер Бишкек убактысы боюнча саат 15:30да башталат.