Түркмөнстанда өтүп жаткан деңизге чыга албаган өнүгүп келе жаткан өлкөлөрдүн үчүнчү конференциясында Кыргызстандын министрлер кабинетинин төрагасы Адылбек Касымалиев БУУнун баш катчысы Антониу Гутерриш менен жолугушту.

Жолугушууда Касымалиев жаңы кабыл алынган программаны канааттануу менен белгилеп, бул демилге Кыргызстан сыяктуу транзитке көз каранды өлкөлөр үчүн инфраструктураны жакшыртууга, каржылоо булактарына жетүүгө жана эл аралык кызматташтыкты бекемдөөгө өбөлгө болорун айтты.