Миллиардер Жефф Безостун Blue Origin компаниясы космоско жөнөтүү үчүн онлайн аукцион ойнотуп баштады.
Маалыматка таянсак, космоско учуу жай мезгилинин ортолоруна белгиленген.
“20-июлда New Shepard кемеси космонавттардын биринчи тобу менен учат. Онлайн аукцион аркылуу бул каттамдагы атайын дайындалган бош орунду жеңүүчүгө сунуштайбыз,- деп билдирген компаниядан.
Аукционго катышуу үчүн ар бир каалоочу 19-майга чейин Blue Origin сайтына билдирүү калтырса болот. Ошол эле учурда, катышуучулар каалаган сумманы сунуштай алышат.
Аукциондун катышуучулары жана алардын аты-жөнү 19-майда жарыяланат. Аукциондун жеңичүүсү 12-июнда аныкталат.
