Кыргызстандык мушкерлер Болгарияда өтө турган бокс боюнча эл аралык мелдешке катышат. Бул тууралуу Дене тарбия жана спорт департаментинен билдиришти.
Мелдеш 2-12-февраль күндөрү өтөт. Ага Кыргызстандан 11 боксчу барат.
Курама команда турнирге машыктыруучу Темирлан Осмоновдун жетекчилиги астында катышат.
Курама команданын тизмеси:
— Анваржан Хожиев – 48 кг;
— Бекзат Эргешов – 51 кг;
— Руслан Эрнест уулу – 54 кг;
— Ислам Төрөбаев – 57 кг;
— Баяман Азизбек уулу, Рысбек Бектенов – 60 кг;
— Аскат Култаев – 63,5 кг;
— Элдар Турдубаев – 71 кг;
— Султан Асанкул уулу, Даниель Абдрахманов – 75 кг;
— Бекбол Мурасбеков – 86 кг.
Эскерте кетсек, буга чейин кыргызстандык 11 боксчу Испанияда өтө турган Boxam эл аралык мелдешине катышары кабарланган. Бул мелдеш 29-январда башталып, 4-февралда жыйынтыкталат. Ага Нуржигит Дүйшебаев (51 кг), Санжар Сейдакматов, Мунарбек Сейитбек уулу (57 кг), Мирзахид Имамназаров , Алмаз Орозбеков (63,3 кг), Нурадин Рустамбек уулу, Сыргак Абдыжапар уулу (71 кг), Сагын Сатыбалды уулу, Эркин Адылбек уулу (80 кг), Өмүрбек Бекжигит уулу (86 кг) жана Бакыт Токтосун уулу (+92 кг) катышат.