Бүгүн, 3-ноябрдагы Жогорку Кеңештин жыйынында бир катар социалдык-экономикалык көйгөйлөр айтылды.
Депутат Акылбек Түмөнбаев картошка өстүргөн дыйкандар түшүмүн сата албай кыйналып жатканын айтып, жазда берилген дан эгиндеринин да үрөөнү талаптагыдай түшүм бербегенин кошумчалады.
“Андыктан аталган маселелер боюнча Министрлер кабинети маалымат берип, дыйкандарга колдоо көрсөтүшү кажет”, – деди депутат.
Ушундай эле пикирге токтолгон депутат Балбак Түлөбаев дан түшүмүн тегирмендер албай жатканын сынга алып, Айыл чарба министрлигинин ишине наарычылыгын билдирди.
Биздин Телеграм каналга катталыңыз
