Эртең 15-октябрда, Кыргызстандын футбол боюнча курама командасы, Дүйнөлүк чемпионатка тандап алуу оюндарынын алкагында Монголия курама командасы менен беттешет.
Оюн Монголиянын баш калаасы Улан-Батор шаарындагы борбордук стадиондо, Бишкек убактысы боюнча саат 14:00дө башталат.
10-октябрда Кыргызстандын курамасы Мьянманын футболчуларын 7:0 эсебинде уткан.
Ал эми Тажикстан курамасы менен болгон беттеште «Ак шумкарлар» 1:0 эсбеинде жеңилип калышкан.
2022-жылы өтө турган Дүйнө биринчилигине жана Азия кубогу (2023-жылы) үчүн өткөн чүчүкулакта Кыргызстан ” F ” тайпасына түшкөн. Ага Жапония, Тажикстан, Мяньма жана Монголия курамалары бөлүнгөн.
