Экономикалык кылмыштуулукка каршы күрөшүү кызматы (Финансы полициясы) 143 миллион сомдук мамлекеттик чыгымдын ордун толтурду.
Мекеменин басма сөз кызматы кабарлагандай, бул сумманын 93 миллион 283 миң сому салык төлөбөгөн жеке ишканадан өндүрүлгөн.
Ал эми 50 миллион сому ар кандай экономикалык жана кызматтык кылмыштардан мамлекетке келтирилген зыяндын ордун толтуруудан түшүп, бирдиктүү депозиттик эсепке которулган.
Эскерте кетсек, 2018-жылдын 3-июлунда коррупциялык иштердин айынан мамлекетке келтирилген зыяндын ордун толтуруу үчүн атайын эсеп ачылган.
Бирдиктүү эсеп ачылгандан тартып, 2019-жылдын 25-октябрына чейинки мезгилде ага 1 млрд. 668,5 млн. сом топтолгон.
Сүрөт: Sputnik / Табылды Кадырбеков
