24-март күнү саат 18.50 Арка-Борбордук унаа жолунун аймагында Кыргызстандын Лейлек жана Тажикстандын Ганчи багыттары боюнча чек ара өкүлдөрүнүн жолугушуусу болуп, натыйжада тартылып алынган курал-жарак кайтарылды. Бул туурасында Чек ара кызматы билдирди.
Маалыматка караганда, жолугушуунун жыйынтыгында тажик тарап кыргыз тарапка тажик жарандары тартып алган Кыргызстандын Чек ара кызматынын аскер кызматкеринин АК-74 автоматын кайтарып беришти.
Ошондой эле тажик тарап радиостанция издөөнү уланта турганын билдирди.
24-марттын саат 22.00гө карата мамлекеттик чек аранын кыргыз-тажик тилкесиндеги кырдаал туруктуу деп мүнөздөлөт.
Буга чейин кыргыз-чек ара тилкесинде ок атылганы кабарланган болчу.
