Миилциянын генерал-майору Эргеш Алиев атындагы ИИМдин Академиясына 50 жыл толду. Буга арналган салтанаттуу иш-чара аталган окуу жайда белгиленип, Ички иштер министринин орун басары Сүйүн Өмүрзаковдун катышуусунда өттү.
Иш-чарага чакырылган коноктор окуу жайдын тарыхы, жетишкендиктери жана окутуучулук курам менен таанышышкан. Андан соң атайын уюштурулган конференция өткөн.
Тарых барактарындагы маалыматтарга ылайык, 1969-жылы милициянын Фрунзедеги атайын орто мектеби түзүлүп, октябрь айынан баштап окууга кабыл ала баштаган.
1991-жылдын 19-июлунда ИИМдин Бишкектеги жогорку окуу жайы деп өзгөргөн.
Ал эми Эргеш Алиев атындагы ИИМдин Академиясы деген аталыш 2000-жылдын 15-январында ыйгарылган.