ИИМдин ички аскерлери ИИМдин Ички коопсуздук аскер кызматы болуп түзүлдү. Тиешелүү жарлыкка президент Сооронбай Жээнбеков кол койгонун министрликтин басма сөз кызматы билдирди.
2014-жылы аскердик реформанын алкагында ички аскерлер Ички иштер министрлигинин карамагынан чыгарылып, Куралдуу күчтөрдүн тутумундагы Улуттук гвардиянын курамына киргизилген.
Бирок Улуттук гвардиянын курамында болуусу алардын өлкөнүн ички коопсуздугун камсыздоо боюнча күжүрмөн-кызматтык тапшырмаларын аткарууда мүмкүнчүлүктөрүн чектеп койгон.
Мындан улам 2018-жылы президенттин жарлыгы менен ИИМдин ички аскерлери болуп кайра түзүлгөн.
