logo
press@reporter.kg
  • facebook
  • odnoklassniki
  • twitter
  • instagram
  • telegram

Илдеттен улам кыргыз-тажик чек арасы боюнча сүйлөшүүлөр токтоп турат

Илдеттен улам кыргыз-тажик чек арасы боюнча сүйлөшүүлөр токтоп турат

Коронавирустан улам кыргыз-тажик чек арасы боюнча сүйлөшүүлөр убактылуу токтоп турат. Бул тууралуу Тажикстандын Жер жана геодезия боюнча мамлекеттик комитетинин төрагасы Ориф Хожазода билдирди.

Анын айтымында, кыргыз-тажик чек арасын делимитация жана демаркациялоо боюнча эки өлкөнүн өкмөттүк делегациялары 2020-жылдын башынан бери беш жолугушуу өткөрүшкөн.

«1-мартка чейин топографиялык жумушчу топтор эки өлкө ортосундагы жер алмашуунун макулдашылган вариантын иштеп чыгышкан. Бул боюнча өз корутундубузду өкмөткө жөнөткөнбүз», — деди Хожазода.

Эки мамлекеттин жалпы чек арасынын узундугу 970 чакырымды түзөт. Анын 519у такталган, калгандары талаштуу жер тилкелер болуп саналат.

Буга чейин айрым булактар тараптар 1-мартка чейин такталган тилкелердин катарына дагы 111 чакырымды кошулушу керектигин билдиришкен.

Кыргыз-тажик чек арасында суу, жол, жерден улам эки тарап жаңжалдашкан окуялар, адам өлүмү менен аяктаган ок атышуулар маал-маалы менен катталып турат.

Рубрики: ЖАҢЫЛЫКТАР , КООМ

Поделиться в социальных сетях:

Тема боюнча жаңылыктар

Бардык жаңылыктар >>