Өткөн жылдын 7-8- август күндөрү Кой-Таш окуялары боюнча оор кылмыштарга шектелген адамдардын мүлктөрү камакка алынды. Буул тууралуу Ички иштер министрлигинин басма сөз кызматы билдирет.
Министрликтин маалыматына караганда, Мамлекеттик каттоо кызматы шектүүлөрдүн мүлктөрү тууралуу маалыматтарды тийиштүү органдарга толук өткөрүп берген.
Буга чейин бир катар басылмалар Биринчи май райондук сотуна таянып, КСДПнын төрайымынын орун басары Кундуз Жолдубаеванын, ЖК депутаты Ирина Карамушкинанын мурдагы депутаттар Равшан Жээнбеков менен Мээрбек Мискенбаевдин мүлктөрү камакка алынгандыгын жазып чыгышкан.
Кой-Таш окуялары боюнча шектелип жаткан Жолдубаева, Карамушкина жана Кодуранова үй камагында, ал эми Мискенбаев менен Жээнбеков тергөө абагына киргизилген.
