УКМК төрагасы Камчыбек Ташиев Ош шаарында жыйын өткөрүп жаткан учурда төрт мамлекеттик кызматкер кармалды. Бул тууралуу жергиликтүү телеканалдар кабарлады.
Маалыматка ылайык, кармалгандардын экөө Ноокат райондук Кадастр кызматынан, бирөө Өзгөн райондук сот органынан, дагы бири паспорт кызматынан. Алардын эмнеге кармалганы азырынча ачык айтыла элек.
