Бишкек шаарынын Октябрь райондук сотунун судьясы К.Ж.С. сексуалдык ыдык көрсөтүү фактысы боюнча кылмыш жоопкерчилигине тартылып жатат. Бул тууралуу УКМК билдирди.

Маалыматка ылайык, судья быйыл май айынан тарта өзүнүн катчысына мессенджер аркылуу бейадеп билдирүүлөрдү жөнөтүп, аны сексуалдык мүнөздөгү аракеттерге мажбурлаган.

Судьялар кеңеши бул иш боюнча Башкы прокурорго судьяны кылмыш жоопкерчилигине тартууга макулдук берген. Сот кызматкерине карата эч жакка чыкпоо тууралуу тил кат бөгөт чарасы колдонулду.