Казакстандын Транспорт министрлиги менен Ооганстандын Коомдук иштер министрлиги Борбор Азия менен Түштүк Азияны туташтыруучу темир жолдун курулушу боюнча Меморандум кабыл алышты. Бул тууралуу Казакстандын ТИМи билдирди.
Маалыматка ылайык, аталган документке Казакстандын тышкы иштер министри Мурат Нуртлеунун Ооганстанга болгон иш сапарында кол коюлган.
Бул долбоордо Ооганстан аймагы аркылуу «Тургунди-Герат-Кандагар-Спин-Булдак» темир жол магистралын куруу, ошондой эле Гератта транспорттук-логистикалык борборду түзүү каралган.
