Доллардын теңгеге карата курсу жогорулап жатканын Tengrinews.kz Казакстан фондулук биржасынын (KASE) маалыматына таянуу менен билдирди.
Таңкы сооданын жыйынтыгында доллардын орточо салмактанып алынган курсу 4,10 теңгеге жогорулап, 471,13 теңгени түздү. Маалым болгондой, Улуттук банктын доллардын расмий курсу 1-апрелге карата 466,31 теңге.
Kurs.kz маалымдагандай, учурда Алматынын акча алмаштыруучу жайларында доллардын орточо сатып алуу курсу 471,85 теңге, сатууда 475,79 теңге. Нур-Султандын акча алмаштыруучу жайларында америкалык валюта орто эсеп менен 470,68 теңгеден сатып алынып, 474,79 теңгеден сатылууда.
