«Казарман» аэропорту «Кыргызстан аэропорттору» ААКтын масштабдуу модернизациясынан кийин кайрадан ишке кирүүгө даяр. Бул тууралуу «Кыргызстан аэропорттору» ААКнын директору Манасбек Самидинов маалымдады.

Анын айтымында, инфраструктура жаңыртылып, учуп-конуу тилкеси (1840 м), буруучу жолчо, унаа токтотуучу жайлар жана аэробекет оңдолду.

Аэропорт Казарман айылынын түндүк-чыгыш тарабында, Жалал-Абад облусунун тоолуу аймагында жайгашып, салмагы 22 тоннага чейинки аба кемелерин кабыл алууга ылайыкталган жана күндүз иштейт. Аэропорттун тарыхы 1940-жылдары башталган, заманбап имарат жана учуу тилкеси 1985-жылы курулган.

Эскерте кетсек, 12-августта «Асман Эйрлайнс» мамлекеттик авиакомпаниясы аэропортко алгачкы техникалык рейсин жасады.