Жогорку Кеңештин Бюджет, экономикалык жана фискалдык саясат боюнча комитети кумар оюндары боюнча мыйзам долбоорун жактырды. Мындай чечим бүгүн жыйында кабыл алынды.
Документти талкуулоо жабык каралды. Министрлер кабинетинин сунушу боюнча мыйзам долбоору экинчи жана үчүнчү окууда дароо кабыл алынды. Эми парламентке алып барышат. Документти депутаттар да колдосо, президент жакын арада кол коюшу мүмкүн.
«Мен казино ачуу боюнча мыйзам долбооруна каршы добуш бердим, анткени Кыргызстанда онлайн казино ачылат жана кумар оюндарын теле, радио, көрнөк-жарнактар жана мүмкүн болгон бардык жерлерде жарнамалоого уруксат берилет. Сөзсүз түрдө жарандар казинодо ойношот”, — деп жазды депутат Дастан Бекешев жолугушуудан кийин.
