Бүгүн, 6-январда президенттикке талапкерлердин дебаттарынын экинчи айлампасы КТРКнын түз эфиринде өтөт. Чүчү кулак боюнча, бүгүнкү дебатка:
Садыр Жапаров;
Адахан Мадумаров;
Канатбек Исаев;
Курсан Асанов;
Элдар Абакиров;
Аймен Касенов келет.
Эске салсак, буга чейин мамлекет башчынын кызмат ордуна негизги талапкер Садыр Жапаров дебатка келбей, аймактардагы шайлоочулар менен жолугушууда жүргөнү менен түшүндүргөн.
Кыргызстанда кезексиз президенттик шайлоо 10-январга белгиленген. Ага 17 талапкер ат салышууда.
Президенттикке талапкерлердин арасында КТРКдагы дебаттар 2020-жылдын 28-декабрда башталган.
