Чүй облусунун Кемин районунда 47 жаштагы жаран коркутуу жолу менен акча алып жатканда кармалды. Бул тууралуу Чүй облустук милициясы билдирди.
Маалыматка ылайык, күч органдарына 23 жаштагы А.А. кайрылып, 19-апрелде Кемин районунун аймагында аны белгисиз адамдар сабап, коркутуп, андан акча талап кылышканын билдирген.
Бул факты боюнча Кылмыш-жаза кодексинин 208-беренеси (опузалап талап кылуу) боюнча кылмыш иши козголгон.
Ыкчам иликтөөнүн жүрүшүндө кылмышка шектүү катары 47 жаштагы К.А. жогорудагы жабырланычуудан акча каражатын алып жаткан учурда кармалып, убактылуу кармоочу жайга киргизилген.
Учурда кылмыш иши боюнча тиешелүү соттук-укуктук экспертизалар дайындалып, тергөө иштери улантылууда.
