•  +(996) 557 67 66 40
  •  press@reporter.kg
ЖАҢЫЛЫКТАРКООМ

Кыргыз-өзбек жумуш топтору чек ара маселелерин талкуулашты

Кыргызстан менен Өзбекстандын кыргыз-өзбек мамлекеттик чек арасын делимитациялоо жана демаркациялоо маселелери боюнча өкмөттүк делегацияларынын жумуш топтору жолугушуу өткөрүштү. Бул тууралуу кыргыз өкмөтүнүн басма кызматы билдирди.

Жолугушуунун жүрүшүндө тараптар Жалал-Абад облусунун Ала-Бука жана Аксы районундагы чечиле элек бир нече тилкени, ошондой 2017-жылдын 5-сентябрында кол коюлган кыргыз-өзбек мамлекеттик чек арасы жөнүндө макулдашууга кирген аймактарды карап чыгышты.

Жолугушуунун соңунда тараптар айрым маселелер боюнча бир пикирге келишти.

27-августта Ташкентте Кыргызстандын вице-премьер-министри Акрам Мадумаров жана Өзбекстандын премьер-министринин орун басары деңгээлиндеги кеңешчи Мехриддин Хайриддинов кыргыз-өзбек чек арасын делимитациялоо жана демаркациялоо маселесин талкуулаган.

Анда Мадумаров коронавирус илдетинен жана башка себептерден улам, кыргыз-өзбек чек арасын делимитациялоо жана демаркациялоо боюнча эки өлкөнүн өкмөттүк делегацияларынын иши жайлап калганын айткан.

Кыргызстан менен Өзбекстандын 1378 чакырымдык чек арасынын 1170 чакырымы же 85% такталган. Дагы 10% боюнча макулдашуу жетишилгени кабарланган. Азыр сүйлөшүүлөр так ошол 10% жана калган 5% тилке жөнүндө болуп жатат.

Сунушталган жаңылыктар
ЖАҢЫЛЫКТАРКООМ

Кытай Кыргызстан менен болгон чек арасын убактылуу жабат

ЖАҢЫЛЫКТАРКООМ

Казакстандан Кыргызстанга Чу дарыясын кечип өтүүгө аракет кылган эки жаран кармалды

ДҮЙНӨДӨНЖАҢЫЛЫКТАР

Кытай айрым чет өлкөлүктөрдүн кирүүсүнө уруксат берет

ЖАҢЫЛЫКТАРКООМ

Казакстан чек арада топтолгон кыргызстандыктардын өтүүсүнө уруксаат берди

Комментарий кош

Сиздин э-почта сайтта көрсөтүлбөйт. Зарыл түрдө толтуруу керек болгондор *