18-июндан тарта кыргыз-өзбек чек ара тилкесиндеги үч автожол өткөрмө пункту: “Кадамжай-автожол”, “Чечме-автожол” жана “Ак-Кыя-автожол” күнү-түнү иштей баштады. Бул тууралуу УКМКнын Чек ара кызматын кабарлады.
Маалыматка ылайык, бул чечим туристтик сезондо чек араны кесип өтүп жаткан жарандар үчүн ыңгайлуу шарттарды түзүү максатында кабыл алынган.
Күнү-түнү иштөө режими ушул жылдын 1-октябрына чейин уланат.
Маанилүү: жогоруда көрсөтүлгөн өткөрмө пункттардан Кыргызстандын жана Өзбекстанстандын жарандары гана өтө алышат.
