Президент Садыр Жапаров кол койгон жарлыкка ылайык, 15-августтан тарта интернетти өлкөгө алып келүү укугу бир жылга мамлекеттин колуна өтөт.

Бул укук толугу менен мамлекеттик “ЭлКат” компаниясына берилет. Башка интернет операторлору жакынкы 2 ай ичинде өзүнүн бардык эл аралык келишимдерин “ЭлКатка” өткөрүп бериши керек болот.

Мындан тышкары, “Акнет” компаниясынын 100% үлүшүн да “ЭлКаттын” карамагына өткөрүп берүү тапшырмасы коюлду.

Жарлыкта бул кадам байланыш тармагын иретке келтирүү жана санариптик инфратүзүмдү өнүктүрүү максатында жасалып жатканы белгиленген.