Кыргызстанда канча археолог-окумуштуу бар? Мындай суроону Жогорку Кеңештин 7-июндагы жыйнында депутат Аманкан Кенжебаев Улуттук илимдер академиясынын вице-президенти Чолпонкул Арабаевге узатты.
Депутаттын айтымында, археологдордун жетишсиздигинен улам президент тарабынан жарыяланган жер амнистиясы кечеңдеп жатат.
Өз кезегинде Чолпонкул Арабаев: “Улуттук илимдер академиясында жалпысынан 1619 кызматкер эмгектенет, анын ичинде 40 академик, 51 мүчө-корреспондент. Ал эми археологдорго келсек, алардан 7-8 гана бар”, — деп жооп берди.
Жыйынында «Илим жөнүндөгү» мыйзам долбоору 2-окууда кабыл алынды.
Биздин Телеграм каналга катталыңыз
