Кыргызстанда өткөн аптада кумаркана иштетүүгө алгачкы лицензия берилди. Бул тууралуу Каржы рыногун жөнгө салуу жана көзөмөлдөө кызматынын сайтында айтылат.
Маалым болгондой, лицензияны «Гранд казино» ЖЧКсы алып, бюджетке 84 млн сом каражат төлөгөн.
Эскерте кетсек, Кыргызстанда 2012-жылдан тарта кумарканаларга тыюу салынган. Бирок былтыр Жогорку Кеңеште кумаркана ачууга уруксат берген мыйзам кабыл алынып, ага президент кол койгон.
Кыргызстанда кумарканалардын ачылышына коомчулук каршы чыгып, активисттер каршылык акцияларын өткөргөн.
Президент Садыр Жапаров кумарканалар тууралуу мыйзамга кол койду
Биздин Телеграм каналга катталыңыз
