Кыргызстандык окуучулар 17-18-майда Өзбекстанда өткөн информатика боюнча 19-Азия-Тынч океан олимпиадасында (Asia-Pacific Informatics Olympiad – APIO) бир алтын жана бир күмүш медаль утуп алышты. Бул тууралуу Билим берүү жана илим министрлиги билдирди.
Олимпиадага Азиянын 36 өлкөсүнөн келген 200дөн ашуун окуучу катышкан.
Кыргызстандын атынан олимпиадага 6 окуучу онлайн форматта катышышкан. Жыйынтыгында, Бишкектеги Газпром-Кыргызстан мектебинин 9-классынын окуучусу Бобрус Ян алтын медаль, ал эми Муратбек Субакожоев атындагы Нарын лицейинин 9-классынын окуучусу Кадыров Адилхан коло медаль алды.
Ошондой эле 4 окуучу сертификат алды:
- Карыпжанов Нурислам, 10-класс, «Сапат» ББМ;
- Айдарбеков Алихан, 11-класс, Сейтек STEM;
- Лебиев Абдульазиз, 11-класс, Сейтек STEM;
- Жаникеев Саид, 9-класс, А. Молдокулов атындагы № 5 УИТМЛ.
«Бул Кыргызстандын APIO тарыхындагы биринчи алтын медалы. Буга чейин Кыргызстан 2 күмүш жана 10дон ашуун коло медаль алган»,- деп билдирди министрлик.
