Кыргызстандык окуучулар Сингапурда өткөн Эл аралык киберкоопсуздук олимпиадасынан (ICO 2025) коло медаль жеңип алышты
2025-жылдын 22-июнунан 28-июнуна чейин Сингапурда өткөн Биринчи Эл аралык киберкоопсуздук олимпиадасына (ICO 2025 Singapore) 27 өлкөдөн 135 таланттуу өспүрүм катышты. Кыргызстанды беш мыкты мектеп окуучусунан турган команда өкүлчүлүк кылды.
Олимпиадага катышкан 5 окуучунун экөө коло медаль жеңип алды. Алар:
Айпери Акжолтоева – Ысык-Көл облусундагы Зияш Бектенов атындагы лицейдин 10-классынын окуучусу.
Исхак Тажибаев – Бишкектеги «Кутбилим» билим берүү комплексинин 11-классынын окуучусу.
