Министрлер кабинетинин төрагасы Акылбек Жапаров Кытайда өткөн «Жайкы Давос» дүйнөлүк экономикалык форумунун алкагында Кытай Эл Республикасынын Мамлекеттик кеңешинин премьери Ли Цян менен жолукту.
Талкуунун негизги темасы — «Кытай – Кыргызстан – Өзбекстан» темир жолунун курулушу болду. Акылбек Жапаров бул долбоор «жүзөгө ашып баштады» деп белгиледи.
Жолугушууда өзгөчө көңүл президент Садыр Жапаров менен Кытайдын төрагасы Си Цзиньпиндин ортосунда буга чейин жетишилген макулдашууларды ишке ашырууга бурулду.
Ошондой эле тараптар соода-экономикалык, инвестициялык жана маданий-гуманитардык тармактардагы кызматташтык маселелерин талкуулашты. Ли Цян Кытай Кыргызстанды жакын коңшу жана ишенимдүү өнөк катары карай турганын баса белгиледи.
Жолугушуунун жыйынтыгында тараптар мындан аркы кызматташууну активдештирүүгө даяр экендиктерин тастыкташты.
