Санкт-Петербург эл аралык экономикалык форумунун (SPIEF-2025) алкагында өткөн Кыргызстан-Россия сессиясында Кыргызстанга байланыштуу маанилүү демилге көтөрүлдү.
“Росатом” мамлекеттик корпорациясынын Борбор Азия боюнча өкүлчүлүгүнүн башчысы Дмитрий Константинов орус тарапка бардык расмий документтерде жана иш-чараларда «Кыргыз Республикасы» деген аталышты толук түрдө колдонуу сунушун киргизди.
Кыргызстанда үч жылдан бери жашап жаткан Константинов бул кадамды орус-кыргыз мамилесинин символу катары баалап, эки тараптуу мамилелердин өнүгүшүнө оң таасир тийгизерин белгиледи.
