Кытай тараптын демилгеси менен, Ай жылын майрамдоого байланыштуу, мамлекеттик чек аранын кыргыз-кытай бөлүгүндө жайгашкан Торугарт — Автожолу жана Иркештам – Автожолу көзөмөл-өткөрүү пункттары убактылуу жабылат.
Мамлекеттик чек ара кызматынын маалыматы боюнча, Торугарт-Автожолу 11-февралдан 15-февралга чейин жабык болот. «Иркештам — Автожолу» 12-февралдан тарта ишин токтотуп, 16-февралдан тарта иштей баштайт.
«Торугарт — жол» жана «Эркечтам — жол» Кытайдан Кыргызстанга товарлардын өтүшүн гана камсыз кылган атайын алгоритм боюнча иштешет.
