Бишкектеги Жибек-Жолу проспектисиндеги көпүрөнүн түндүк тарабы аба ырайынын өзгөрүшүнө байланыштуу бүгүн, 10-мартта, ачылбайт. Анын ачылышы 15-мартка жылдырылды. Бул тууралуу шаар мэриясы билдирди.

Буга чейин мэрия аталган көпүрөнүн түндүк тарабы унаалар үчүн 10-мартта түштөн кийин ачыларын айткан эле.

Маалымтка ылайык, реконструкциядан кийин көпүрөнүн туурасы 9 метрден 13 метрге чейин кеңейтилди. Ал эми анын жалпы туурасы 34,3 метрди, узундугу 25 метрди түзөт.

Көпүрөнүн экинчи тарабы марттын аягына чейин пайдаланууга берүү пландалууда. Учурда реконструкция иштерин толук аяктоо боюнча жумуштар уланууда.