2021-жылга карата пандемия менен күрөшкөн медицина кызматкерлерине компенсация төлөө үчүн 500 млн сом каралган. Бул тууралуу финансы министрлигинин документтеринде маалымдалат.
Ошондой эле коронавирус менен күрөшүү үчүн мамлекеттик бюджеттин резервиндеги 1.9 млрд сомду бөлүштүрүү дагы пландалууда. Үстүбүздөгү жылы саламаттык сактоо тармагын колдоого эл аралык донорлордон 56.1 млн доллар же 4.5 млрд сом тартылган. Бул каражаттар мекемелерге медициналык жабдыктарды, жеке коргонуучу каражаттарды алууга жумшалат.
