17-мартта муфтийликке арыздарды кабыл алуу жыйынтыкталып, кызмат орун үчүн 8 талапкер ат салышат. Бул тууралуу Кыргызстан Мусулмандарынын дин башкармалыгынан билдиришти.
Маалыматка ылайык, муфтий болуу үчүн сегиз талапкер арыз берди. 29-30-31-март, 1-апрель күндөрү талапкерлердин билим деңгээлин жана кесипкөйлүгүн текшерүү максатында сынак өтөт.
Талапкерлер:
- Нурбек Токтогулов;
- Сайдамир Жээналиев;
- Султанали Гапуров;
- Убайдулла Сарыбаев;
- Шүкүр Исмаилов;
- Шакир Маматов;
- Нематилла Жээнбеков;
- Ниязали Арипов.
Ал эми Аалымдар кеңешине мүчө болууга 75 талапкер документ тапшырса, Борбордук текшерүү комиссиясынын төрагасынын кызмат ордуна 21 эсепчи катталган.
