Социалдык фонддун аппарат жетекчиси Акылбек Байдылдаев аймактык бөлүмдөрдүн жетекчилеринен ири өлчөмдө мыйзамсыз акча жыйнап турган деген шек менен кармалды. Бул тууралуу Улуттук коопсуздук мамлекеттик комитети кабарлайт.
Маалыматта айтылгандай, аппарат башчынын тапшырмасын аткаруу үчүн Соцфонддун аймактардагы айрым жетекчилери түрдүү чыгымдарга сарпталды деп ири суммадагы акча каражаттарын чыгарып турган.
Бул факты боюча Жазык кодексинин 98-беренеси менен кылмыш иши козголуп, Акылбек Байдылдаев 17-ноябрда кармалып, УКМКнын убактылуу кармоочу жайына киргизилген.
