Аткезчилик жол менен ташылып келген 3 миллион сомдук тамеки продукциялары кармалды. Бул тууралуу Салык кызматынан билдиришти.
23-июнь күнү “Ак-Жол” көзөмөл-өткөрмө пунктуна жакын жерден тийиштүү эч кандай документтери жок 59 миң 500 кутуча тамекини жүктөп бараткан унаа кармалган. Салык кызматынын эсеби менен товардын жалпы суммасы 3 миллион сомдук деп бааланган.
Топтолгон материалдар мыйзамга ылайык Экономикалык кылмыштар менен күрөшүү мамлекеттик кызматына өткөрүлүп берилген.
