Нарында спорт инфраструктурасын өнүктүрүү багытында ири долбоор ишке ашууда — шаарда 4 500 орундуу заманбап стадион курулуп жатат. Бул тууралуу Курулуш, архитектура жана турак жай-коммуналдык чарба министрлиги маалымдады.
Стадиондун жалпы аянты 3,6 гектарды түзүп, ал республикалык бюджеттин эсебинен каржыланууда. Долбоордо спортчулар жана көрүүчүлөр үчүн бардык ыңгайлуу шарттар каралган.
Стадиондун аймагында төмөнкүдөй объекттер орун алат:
- кийим алмаштыруучу жайлар,
- тамактануучу бөлмөлөр,
- жатакана,
- конференц-зал,
- бир нече административдик бөлмөлөр.
Ошондой эле VIP-коноктор жана медиа өкүлдөрү үчүн өзүнчө шарттар түзүлөт.
