Баткен облусунда чек арада аткезчилик жүк менен кармалган жарандын унаасы мамлекетке алынды. Бул тууралуу Улуттук коопсуздук мамлекеттик комитетинен билдиришти.
Маалым болгондой, 7-октябрда Кара-Бак айылынын чек ара тилкесинде И.К. аттуу Кыргызстандын жараны башкарган «Хонда-Фит» унаасы токтотулуп, анын ичинен көп сандагы насвай табылып алынган.
Аталган факты боюнча Мамлекеттик бажы кызматынын «Баткен» бажысы тарабынан Укук бузуулар жөнүндө кодексинин 372-1-беренесинин 1-бөлүмү боюнча кылмыш иши козголгон.
«9-ноябрда Баткен райондук соту тарабынан, президенттин улуттук экономиканын кызыкчылыктарын коргоого жана контрабандага каршы күрөшүүгө багытталган чараларды күчөтүү боюнча тапшырмасына ылайык, И.К. күнөөлүү деп табылып, унаасын мамлекетке чегерүү чечими чыгарылды», — деп айтылат маалыматта.
Биздин Телеграм каналга катталыңыз
