Ноокат районунун Ноокат-Папан унаа жолунда 53 жаштагы адамдын башкаруусунда бараткан «Hyundai Porter» жолдон чыгып кетип бакты сүзүп, айдоочу каза болду.
Өзгөчө кырдаалдар министрлигинин маалыматына караганда, кырсык 28-майда саат 17:50дө Мирмахмудов айыл аймагында болгон.
Айдоочунун рулду башкара албай калышы кырсыктын келип чыгышына себеп болгон. Куткаруучулар майдоочунун сөөгүн унаадан чыгарышып, тез жардам кызматкерлерине өткөрүп беришкен.
