Өзгөчө кырдаалдар министрлиги Жалал-Абад облусундагы Сары-Кыр ашуусунда кар күрткүсүнө тыгылып калган эркекти куткаруу үчүн тик учак жөнөттү. Мындай тапшырманы 6-ноябрда министр Бообек Ажикеев берген.

Таң эртеден бери окуя болгон жерде ӨКМнын жана куткаруу кызматтарынын 28 кызматкери жана алты техника иштеп жатат.

Мекеменин маалыматында, 5-ноябрда Жалал-Абад — Казарман унаажолунун Сары-Кыр ашуусунда 30 жаштагы эркек автоунаасы менен кар күрткүсүнө тыгылып калган. Ал жардам сурап белги берүүгө үлгүргөн, андан кийин издөө иштери башталган.

Куткаруу операциясына ӨКМ, ИИМ, жергиликтүү бийлик өкүлдөрү жана жолду тазалоо үчүн оор техниканы бөлүп берген China Railway International ишканасынын адистери тартылган.

Посмотреть эту публикацию в Instagram

Публикация от Reporter.kg (@reporter_kg)

Сары-Кыр ашуусундагы унаа кыймылы 1-октябрдан бери аба ырайынын шарттарына байланыштуу жабык.
Куткаруу иштери уланууда, кошумча маалыматтар кийинчерээк берилет.