Министрлер кабинети жыгач жана жыгач материалдарын ЕАЭБ аймагынан тышкары экспорттоого коюлган убактылуу тыюу салууну дагы 6 айга узартты. Тиешелүү токтом «Эркин-Тоо» гезитине жарыяланды.

Токтомго ылайык, чектөө ЕАЭБ ТЭИ ТН 4401, 4403 жана 4407 коддору менен классификацияланган жыгач жана жыгач материалдарга киргизилди. Ал эми гуманитардык жардамдарга бул чектөө тиешелүү эмес.

Мамлекеттик бажы кызматына жана Чек ара кызматы тыюу салынган товарларды мыйзамсыз ташып чыгууга бөгөт коюу үчүн кошумча чараларды көрүү тапшырмасы берилди.

Токтом расмий жарыяланган күндөн тартып 15 күн өткөндөн кийин күчүнө кирет.

Эске салсак, өкмөт буга чейин да  өлкөдөн жыгач экспорттоого 6 айга тыюу салган.