Жааган жамгырдан кийин Чүй проспектисиндеги жаңы жер алдындагы өтмөктө жана паркингде гидроизоляция боюнча көйгөйлөр аныкталды. Конструкция жаан-чачынга туруштук бере алган жок. Күбөлөрдүн айтымында, жакында эле пайдаланууга берилген объекттин шыбынан суу тамчылап жатат. Жерге көлчүктөр топтолуп калбашы үчүн кызматкерлер суу аккан жерлерге пластик чакаларды коюуга мажбур болушкан.

Посмотреть эту публикацию в Instagram

Публикация от Reporter.kg (@reporter_kg)

Белгилей кетсек, бул объекттин курулушу шаар тургундары үчүн олуттуу ыңгайсыздыктар менен коштолгон. Чүй проспектисинин Абдрахманов көчөсүнөн Шопоков көчөсүнө чейинки тилкеси (ЦУМдун тегереги) 2025-жылдын 9-майынан тартып саат 22:00дөн баштап автоунаа кыймылы үчүн толугу менен жабылган болчу.

Чектөөлөр дал ушул «Old Bishkek» долбоорунун алкагындагы жер алдындагы жөө өтмөктү жана унаа токтотуучу жайды куруу үчүн киргизилген. Масштабдуу жумуштардан улам борбор калаанын борбордук бөлүгү өтө узак мөөнөткө жабылып, бул чектеш көчөлөрдө транспорттук коллапстарга жана узун тыгындарга алып келген.