Он күндөн бери дайынсыз болуп жаткан 18 жаштагы Мамажанова Курбангүл Ырысбековна изделүүдө. Бул тууралуу Чүй облустук милициясынын басма сөз кызматынан кабарлашты.
Ал 9-октябрда Аламүдүн айылынын Гоголь көчөсүндөгү үйүнөн чыккан боюнча кайра кайтып келген эмес.
Белгилери: бою 160-162 см, орточо дене түзүлүштөгү, чачы ийининен ылдый, күрөң, кой көз.
Кийген кийими: күрөң түстөгү спорттук кийим, кара түстөгү чыптама, ак түстөгү спорттук бут кийим.
Курбангүлдүн кайда экенин билгендер болсо Аламүдүн райондук милициясына же төмөнкү номерлерге 0(999) 21-07-09, 0(550) 34-33-63, 0(778) 00-09-99, 0(312) 36-35-23 же “102ге” кабарлап коюсун облустук милиция өтүнөт.
