Өкмөттүн Ош облусндагы өкүлчүлүгү Кара-Суу районунун акиминин орун басары Мээрим Жороеванын “Тилек Матраимов дагы эле мыйзамдуу аким” деген пикирин четке какты.
Ош облустук администрациясынын басма сөз катчысы Нуркыз Кадырбекованын айтымында, Тилек Матраимовду Кара-Суу районунун акими кызматынан бошотуу тууралуу президенттин м.а. Садыр жапаровдун колу коюлган буйрук 16-октябрда чыккан.
“Буйрук (чыгары менен) жөнөтүлгөн болушу керек, азыр дагы жөнөтүп койдум”, – деди Кадырбекова.
Бүгүн, 30-октбрда Тилек Матраимовдун мурдагы кызмат ордуна кайткандыгы тууралуу маалымат тараган. Reporter.kg Кара-Суу районунун акиминин орун басары Мээрим Жороева менен байланышканда, ал акимдин кызматтан кеткендиги тууралуу буйрук чыга электигин, Тилек Матраимовдун мыйзамдуу аким экендигин айткан.
