Ош шаарынын Ак-Тилек кичи районундагы «Петролеум» май куюучу жайында күйүүчү май ташыган унаадан өрт чыкты. Бул тууралуу Өзгөчө кырдаалдар министрлигинин басма сөз кызматы билдирди.
Өрт тууралуу маалымат саат 22:23 чамасында түшкөн. Учурда тилсиз жоо менен жалпы 6 өрт өчүрүү бөлүмү күрөшүп жатат.Саат 23:09да өрт чектөөгө алынды. Учурда өрттү толук өчүрүү иш-чаралары жүргүзүлүүдө. Кошумча маалымат берилет.
Социалдык тармактын колдонуучулары болсо «Петролеум» май куйуучу жайы күйүп жатканын айтышууда.
