Баткен облусунда өткөн жылдын 28-30-апрелиндеги окуяларда каза болгондордун жана жабыркагандардын үй-бүлөлөрүнө бир жолку материалдык жардамды төлөө 37 миллион 536,75 миң сомду түздү. Бул тууралуу Эмгек жана социалдык өнүгүү министрлигинин басма сөз кызматы билдирди.
Маалыматка ылайык, 137 адам компенсация алган. Каза болгондордун үй-бүлөлөрүнө 1 миллион сомдон, жабыркаган жарандарга жаракаттын оордугуна жараша 50 миң сомдон 100 миң сомго чейин төлөнүп берилди.
2021-жылдын 28-30-апрелиндеги чек арадагы куралдуу кагылышта 31 адам набыт болгон. Алардын үй-бүлөсүнө мамлекеттик бюджеттен 31 миллион 155 миң сом бөлүнгөн. 106 жабырлануучуга 6 млн 381,75 миң сом бөлүндү.
