Бүгүн, 20-майда министрлер кабинетинин төрагасынын орун басары — санариптик өнүктүрүү министри Азамат Дыйканбаев ири өлчөмдө пара алып жатып кармалганы кабарлаган.
Азамат Дыйканбаевдин 5-майда санариптик өнүктүрүү министри болуп дайындалган. Жаңы кызматка келгенине эки жума болгон министрдин эмгек жолуна “Репортёр” байкоо жүргүзүп көрдү.
Азамат Дыйканбаев 1985-жылдын 25-ноябрында Бишкек шаарында туулган.
Ал 2007-жылы «Тармак, байланыш жана коммуникациялар системасы» адистиги боюнча Исхак Раззаков атындагы Кыргыз мамлекеттик техникалык университетин аяктаган.
Ал эмгек жолун 2006-жылы өкмөттүн алдындагы Улуттук байланыш агенттигинин адиси болуп баштаган. Ал жакт 2008-жылга чейин эмгектенген.
2008-2014-жылдар аралыгында өкмөттүн алдындагы Улуттук байланыш агенттигинин жетектөөчү адиси, кийин башкы адис;
2014 — өкмөттүн аппаратынын эксперти;
2014 – 2017 — Транспорт жана коммуникациялар министрлигинин алдындагы «Транском» мамлекеттик ишканасынын директору;
2017 – 2020 — Маалыматтык технологиялар жана байланыш мамлекеттик комитетинин алдындагы «Транском» мамлекеттик ишканасынын директору;
2020 – 2021 — Маалыматтык технологиялар жана байланыш мамлекеттик комитетинин алдындагы Мамлекеттик байланыш агенттигинин директору;
2021 — өкмөттүн алдындагы Санариптик өнүктүрүү боюнча мамлекеттик кызмат төрагасынын орун басары;
Ушул жылдын 5-майынан тартып министрлер кабинетинин төрагасынын орун басары, санариптик өнүктүрүү министри болуп дайындалган болчу.
